Се уште се чека договорот за директна набавка од компанијата Фајзер

Се уште се чека договорот од Фајзер за директна набавка од компанијата. Според најавите на здравствените власти, директно од компанијата треба да пристигнат 800.000 дози од фајзеровата вакцина.

Во почетокот на март треба да пристигнат првите дози од АстраЗенека. Филипче очекува да пристигнат околу 2000 -3000 дози, од договорените 103.200. 

За АстраЗенека и новите случувања во Европа, Филипче рече дека се следат препораките и наодите од компанијата, но и на релевантни здравствени институции. Претходно, властите во Германија, Франција и во региони од Шпанија го паузира вакцинирањето со овие вакцини поради појава на нуспојави кај здравствените работници.

Даниел Василев