Се реконструира ООУ „Круме Кепески“ во Кисела Вода
Општина Кисела Вода во текот на летово ќе го реконструира објектот на ООУ „Круме Кепески“ со цел подобрување на условите во училиштето преку примена на мерки за енергетска ефикасност. Инвестицијата е вредна 11.300.000 денари средства обезбедени од буџетот на Општината, од приватна компанија и меѓународна институција.
За замена на постојните со нови фасадни столарски и браварски елементи и замена на дел од застаклените површини, општина Кисела Вода ќе инвестира од сопствениот буџет околу 4 милиони денари. Паричните средства за изведба на фасадна топлинска изолација, во вредност од 3.800.000 денари ги обезбедува АД Цементарница Усје, како дел од нивната стратегија за општествена одговорност.
Третата фаза од обновата на објектот на училиштето опфаќа замена на постојниот кровен покрив и топлинска изолација на кровната плоча, што ќе се работи во финансиско партнерство со УНДП.
Како што информираат од Општина Кисела Вода со оваа меѓународна институција имаат остварено повеќе успешни проекти на полето на енергетската ефикасност, а потпишан е и договор во вкупна вредност од 3.500.000 денари.
Градежните активности треба да завршат до почетокот на учебната година. ООУ “Круме Кепески” е изградено во 1961-та година. Во него настава посетуваат околу 700 ученици.
Популарно од Македонија
Ново на Сител
-
Турција, Пакистан и Саудиска Арабија формираат воено-политички механизми во рамките на новиот одбранбен пакт
-
13 лица повикани на информативен разговор поради ширење на лажни информации за водата во Скопје
-
Евакуации по морски пат од плажата во Сивири поради големиот пожар | ВИДЕО
-
Предметот против против Груби и уште седуммина за „Државна лотарија“ почнува на 24 август
-
Пожар на првиот крак на Халкидики – пораки од бројот 112 за евакуација на Сивири и Фурка
-
Нов топлотен бран во Европа: Над 340 милиони луѓе под влијание на температури над 30 степени
-
Вложуваме во заедницата кога е најпотребно: Flex Credit донираше 10 тони вода за вработените, клиентите и жителите на Гостивар
-
ЦУК: Девет активни пожари на отворен простор до 13 часот, два се под контрола, а два изгаснати
