Се проширува капацитетот на Ковид центарот во Гевгелија
Растечкиот тренд на новозаболени од коронавирусот на подрачјето што го покрива Гевгелискиот центар, пролонгирањето на поставување модуларни ковид болници, доаѓање на времето на сезонскиот грип и регистрираните 82 позитивни за една недела, се причини поради кои Општата болница од Гевгелија одлучи да го прошири амбулантскиот дел на Ковид центарот со простор за уште осум кревети.
– Поради недисциплината на некои наши граѓани, особено од младата популација, сега вирусот се враќа во посилна форма и поголемиот број пациенти кои се јавуваат во Центарот имаат симптоми на бронхопневмонија која бара сериозно лекување. Нивниот зголемен број во пресрет на поклопување на сезонскиот грип со коронавирусот не натера да го прошириме центарот во кој сега ќе имаме вкупно 18 кревети кои сметам дека ќе бидат доволни за лекување на пациентите со симптоми, рече епидемиологот Сашо Олумчев.
Според него, државата е во фаза на широка распространетост на коронавирусот и тешко е да се бара потеклото на заразувачот и неговите контакти. Поради тоа, вели Олумчев, останува апелот да се подигне совеста на граѓаните, посебно на тие кои знаат дека имале контакт со ризичен човек, сами да се изолираат и да ги известат сите од нивната непосредна и поширока околина бидејќи кај нас, за жал, се уште е присутна појавата да не се даваат точни информации за контактите на заболените.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош