Се оплеменува просторот околу Спомен костурницата во Неготино

Се оплеменува просторот околу Спомен костурницата во Неготино на површина од четири хектари, информираше денеска неготинскиот градоначалник Ванчо Апостолов и појасни дека проектот се реализира заедно со Вардарскиот плански регион, Бирото за регионален развој и Министерството за локална самоуправа, а инвестицијата чини четири милиони денари.

- Ќе бидат вградени неколку содржини. Во долниот дел ќе има фонтана и амфитеатар, а на горниот дел околу спомен костурницата ќе има неколку спортски содржини. Едно игралиште за одбојка на песок, игралиште за кошарка и простор за шах, таму  сите заинтересирани ќе имаат прилика да се рекреираат. Ќе има и клупи покрај просторот за трчање, друга урбана опрема и реквизити за најмладите, соопшти Апостолов.

Според него во зависност од временските услови до крајот на годината би требало комплетно да се завршат земјените работи кои се дел од овој проект.

-За Неготино оваа голема зелена паркова површина ќе значи многу, бидејќи токму овде граѓаните ќе можат да поминат дел од слободното време, нагласи градоначалникот.