Се одржана Мавровско - реканската питијада

Традиционалната манифестација „Мавровско-реканска пита“ се одржа денеска во Ростуше, административниот центар на општина Маврово-Ростуше, како дел од низата активности во рамки на манифестацијата „Топол културен бран“. 

Од името на организаторот, општина Маврово Ростуше, питијадата за отворена ја прогласи градоначалникот Мукрем Мехмеди, кој на учесниците и многуте гости им посака пријатни мигови и убав помин во Ростуше кое е познато по својата гостопримливост.

Во конкуренција беа 50 пити подготвени од вештите раце на Реканските жени. Првото место и припадна на Билјана Трпевска од селото Врбен, второто на Емина Симоноска од Ростуше и третото на Фикрета Беќири, исто така од Ростуше.

Манифестацијата ја следеа не само локални жители, туку и гости од многу градови од нашата земја, а во последните години и се поголем број странци.  Гостите освен што ќе можат да учествуваат во изборот и да дегустрираат традиционална мавровско - реканска пита, организирано можеа да ги посет и водопадите „Дуф“.