Се гасне пожарот во близина на Смилковското Езеро
Екипа на Територијалната противпожарна единица на Град Скопје во моментов интервенира во близина на Смилковско Еезеро, каде гори сува трева. Пожарот го гаснат тројца пожарникари со едно возило.
Како што изјави за МИА командантот на Територијалната противпожарна единица на Град Скопје Звонко Томески (БППЗ), ставен под контрола е пожарот во близина на месноста Три Круши, општина Кисела Вода, а во Раштак ноќва ќе има дежурна екипа.
Со пожарот во село Раштак, општина Гази Баба, биле загрозени неколку викенд куќи и мешана шума на поголема површина. На оваа локација интевенирале четири противпожарни возила.
Во исто време скопските пожарникари интевенирале и во близина на локалитетот Три Круши. Пожарот зафатил мешана шума и сува трева. Постоела опасност тој да се прошири кон населбата Драчево, но ставен е под контрола. На терен биле 9 пожарникари со три противпожарни возила.
Пожарникарите интервенирале и во близина на парк-шумата Гази Баба, во близина на селото Нерези. Пожарот го гаснеле шест пожарникари со две возила.
Тројца пожарникари со едно возило интервенирале и во Кондово, општина Сарај. Постоела опасност пожарот да зафати борова шума, но тоа е спречено.
Томески за МИА изјави дека најчесто добиваат пријави од граѓаните на бројот 193, по што постапуваат.
Ново на Сител
-
Приведени две лица, одземено товарно возило, запленета стока | ФОТО
-
Гаши денеска стабилен
-
Приведени двајца скопјани, агресивно се однесувале кон вработените во Градската општа болница „8 Септември“
-
Повеќе од 24 часа исчезната е прилепчанката Билјана, семејството моли за помош | ФОТО
-
Сијарто: Пристапувањето на Украина во ЕУ нема да ја зајакне Украина, туку ќе ја доведе Унијата во војна
-
Поранешен чувар во амбасадата на САД во Осло обвинет за шпионажа за Русија и Иран
-
Вардар ја пречекува Лозана, Седлоски најави максимална борбеност против фаворизираниот противник
-
Меџити: Ќе имаме кандидат за градоначалник на Скопје