СДСМ: Со ребалансот парите се враќаат кај граѓаните

СДСМ во реакција на прес-конференцијата на Коче Гаврилов од ИК на УМС на ВМРО-ДПМНЕ, истакнува дека ребалансот на Буџетот ги следи реалните потреби, ги враќа парите назад кај граѓаните и е првиот чекор кон остварување на зацртаните реформи што носат нови работни места, повисоки плати и целосен економски напредок.

Од СДСМ посочуваат дека залудни, очајни и лицемерни се обидите на ВМРО-ДППМНЕ да го сокрие нивното 11 годишно расипништво и трошење на парите на граѓаните, за кое јавноста секојдневно сведочи. 

- Додека  мнозинството граѓани живееше во сиромаштија и долгови, функционерите на ВМРО-ДПМНЕ парите од Буџетот ги трошеле на скапи вечери, костуми, чевли, ноќевања во ексклузивни хотели, и посети на спа центри платени со државни пари. Безобразното и расипничко трошење на парите на граѓаните, отишло дотаму што дури и дел од обезбедувањето на Никола Груевски трошело стотици евра дневно за ручеци и вечери, стои во реакцијата на СДСМ.