СДСМ: Неопходни се нова влада и локални избори
Од СДСМ сметаат дека претседателот Ѓорге Иванов треба веднаш да го даде мандатот и со тоа да овозможи претседателот на партијата Зоран Заев брзо да ја формира новата Влада и потоа законски да се утврди датумот за локалните избори.
- Блокадата на демократските процеси кулминира со штети врз граѓаните со утрешниот престанок на мандатот на градоначалниците и советите. Иванов нема право да ја загрозува егзистенцијата на луѓето во општините кои нема да можат да земаат плати и да ги блокира граѓаните да си ги добијат потребните општинските услуги, само затоа што на Никола Груевски и неговите соработници кои сакаат да бегаат од правдата, им одговара дестабилизација на државата, се вели во денешното соопштение од СДСМ.
Од партијата сметаат дека, како што велат, „лицитирањето со датуми за локалните избори како на лото емисија е крајно несериозно и никаде не води“ и оти во ВМРО-ДПМНЕ мора да преовладее разумот, партијата да постапи конструктивно и да овозможи Македонија да оди напред.
- Општините мора да продолжат да функционираат. На граѓаните им се потребни функционали независни институции што ќе им ги овозможи новата реформска Влада, се вели во соопштението од СДСМ.
Секој нов ден блокада на демократските процеси, се додава во него, е нова штета врз граѓанските и државните интереси.
Ново на Сител
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите
-
Ханије: Подготвени сме за сеопфатен договор, во согласност со планот на САД
-
ЦУК: Тешки бетонски блокови пред паѓање висат од тераса спроти Владата
-
Руските безбедносни сили упаднале во притворниот центар и ги убиле затворениците кои држеа двајца чувари како заложници