СДСМ: Градоначалникот на Кисела Вода ќе потроши 100.000 евра за партиски вработувања

Додека се жали дека општината нема пари, Ѓорѓиевски ќе потроши 100.000 евра на финансирање партиски војници и мегафони

Градоначалниците на ВМРО-ДПМНЕ се пример за неработење и расипничко трошење на парите на граѓаните во време на светска економска и енергетска криза.

Последен пример е градоначалникот на Кисела Вода, Орце Ѓорѓиевски.

Додека се жали дека општината нема пари за подмирување на редовните сметки, градоначалникот Ѓорѓиевски троши 100.000 евра општински пари на авторски договори.

Партиски војници на ВМРО-ДПМНЕ, роднини и пријатели, но и медиумски мегафони се дел од лицата кои се на платен список на општина Кисела Вода.