Сцена како од хорор филм: Ивица наместо риба од реката извлекол човечка глава!
Ивица К. рибар од Хрватска не можел да поверува на своите очи кога од Драва наместо риба извлекол човечка глава.
- Бев сам во вторникот во чамецот и ловев некаде 50-тина метри од брегот. Јадицата ми фати нешто. Мислев дека е риба, но успеав многу лесно да ја влечам. Повлеков со раката од водата и извадив човечка глава - вели Ивица за 24сата.хр.
Недалеку од него бил и неговиот колега рибар, кој веднаш повикал помош. Тој со батериска ламба засветил и јасно видел костурска глава без коса и кожа.
- Пријателот дојде и помогна во вадењето на костурската глава од водата. Беше тешка. Во нејзе имаше вода и песок. Јадицата се закачила на местото каде што некогаш имало око - тврди Ивица.
Откако ја извадиле костурската глава веднаш повикале полиција која од нив земала изјави. На костурската глава имало останати неколку заба, па ако е потребно форензичарите ќе може да ги направат неопходните анализи.
Според последните информации, костурската глава припаѓа на некој постар маж. Со оглед на тоа дека немало органски остатоци, се претпоставува дека во водата таа поминала неколку десетина години.
Ново на Сител
-
Фицо: Без право на вето на секоја членка нема да има Европска Унија
-
ЈП Водовод и канализација: Постигнато е нивото на редовно водоснабдување, но поради преголема потрошувачка во Чаир мрежата се празни пребрзо
-
Виткоф му одговара на Хамас дека нивните барања се „целосно неприфатливи“
-
Насилства низ Париз по победата на ПСЖ во Лигата на шампиони
-
Илон Маск: Не земам дрога
-
Протести на студентите во блокада во 34 градови во Србија
-
Премиерот Мицкоски во посета на Институтот за јавно здравје
-
„Вози право, вози здраво“, најмасовниот вело настан на скопските улици