Саудиска Арабија го обвини Иран за поддршка на тероризмот
Саудиското Министерство за надворешни работи го нарече Иран „бесрамна земја“, која го поддржува тероризмот и работи против стабилноста во регионот, откако во Техеран се одржаа протести против егзекуцијата на шиитскиот духовен лидер Нимр Бакер ал Нимр.
- Иранскиот режим е последниот режим во светот, кој може да обвинува други земји за поддршка на тероризмот и покрај тоа што тој самиот го поддржува тероризмот и од таа причина беше прекоруван од Обединетите нации и од голем број земји, изјави портпаролот на Министерството.
- Иранскиот режим е бесрамен кога говори за човековите права, а минатата година егзекутираше стотици Иранци без јасна правна рамка, додаде тој.
Ријад соопшти дека иранскиот амбасадор бил повикан во Министерството за надворешни работи, каде му била врачена протестна нота поради „агресивните реакции на Техеран во врска со егзекуцијата на шиитскиот верски лидер“.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто