Само што дојде се умори

Тренерот на Ливерпул Јирген Клоп смета дека нон-стоп играњето во Премиер лигата, па и за време на божикните и новогодишните празници, ги намалува шансите на англиската репрезентација да оствари добар резултат на Европското првенство во 2016 година во Франција.

 

„Сите мислат дека селекторот Рој Хоџсон би требало да ја одведе Англија до европската титула бидејќи има одлични фудбалери. Но, постои еден голем проблем, играчите се постојано во погон, немаат одмор. Така во седумте божикни денови ќе одиграме три кола. Па на сите треба да им е јасно дека тоа не е патот до успехот. Играчите на ЕП ќе дојдат уморни, а во другите земји тоа не е случај“, рече во четврток Клоп.