Самит БиХ-Србија-Хрватска: На регионот му требаат мир и стабилност
Членовите на Претседателството на Босна и Херцеговина, Драган Човиќ, Бакир Изетбеговиќ и Младен Иваниќ и претседателите на Србија и на Хрватска, Александар Вучиќ и Колинда Грабар Китаровиќ денеска имаа заедничка средба во босанскиот град Мостар, која ја оценија како „многу корисна".
На заедничката прес-конференција по средбата, Вучиќ изјави дека регионот има потреба од мир и стабилност и изрази надеж дека ќе продолжат добрите економски односи.
- Важно е да создадеме рамка во која луѓето ќе се чувствуваат сигурно и слободно, ќе имаат повеќе работни места и ќе заработуваат повеќе, рече Вучиќ.
Тој предложи следниот состанок во овој формат да се одржи во српскиот град Нови Сад.
Грабар Китаровиќ на прес-конференцијата изјави дека Хрватска го поддржува територијалниот интегритет на Босна и Херцеговина, рамноправноста на трите нејзини главни народи и нејзината европска интеграција.
Таа вети дека Хрватска ќе стори се за да го стимулира процесот на проширување на ЕУ, преку новата стратегија за Западен Балкан.
Изетбеговиќ пак изјави дека сите земји во регионот треба да ја намалат експлозивната реторика и да преземат чекори кон помирување.
Со него се согласи и Иваниќ, кој ја истакна важноста на денешната средба, нагласувајќи дека добрите односи во „триаголникот" доведуваат до добри односи и во самата Босна и Херцеговина.
Ново на Сител
-
Реакција на осигурителните компании на одлуката да се врати старата цена за авто одговорноста
-
Хунтата во Мјанмар им забранува на мажите да аплицираат за работа во странство
-
При претрес приведен дилер од Битола
-
Јунајтед ќе го продолжи договорот со Гринвуд
-
Алонсо по победата над Рома: Сè беше прилично јасно, навистина настапивме на високо ниво
-
Генералштаб на Украина: Руските сили ги интензивираа нападите кон Авдејево
-
Најстудено на Попова Шапка и во Лазарополе, најмногу дожд во Виница
-
100 санкционирани возачи во Скопје