Саем за вработување во Кочани
Нови работни места за кадри во текстилната, дрвната и машинската индустрија понудија 22-текомпании од Источниот регион на Македонија кои учествуваа на денешниот Саем за вработување во Кочани.
Ова е четврта ваква манифестација од вториот циклус што ја организира Агенцијата за вработување на Република Македонија, по претходно организираните три во Прилеп, Струга и Велес.
- И овој саем покажа дека успешноста на ваков вид манифестации е голема. Ефектите покажуваат дека само од првиот саем одржан пред три недели се вработени 108 лица, изјави директорот на Агенцијата Влатко Поповски.
Тој очекува и денешниот саем да даде резултат особено ако се земе предвид, како што нагласи, дека најголем интерес за вработување има за техничките кадри.
Следниот Саем за вработување, најави директорот, ќе се одржи наредната недела во Радовиш и на него е предвидено да настапат 20 компании од Радовиш, Струмица и Валандово.
Компанијата Јумис од Кочани на денешниот Саем за вработување ги искажа своите потреби од квалитетна работна сила во дрвната индустрија, додека компанијата Алма има потреба од текстилни работнички.
Ново на Сител
-
Рубио: Притисокот на САД врз сојузниците во НАТО да вложуваат повеќе во одбраната не е непријателска работа
-
Трамп: Секој што го користи терминот вештачка интелигенција е „непријател“
-
Алармантни бројки од Онкологија: Лани откриени 1.000 нови случаи на рак на дојка, 7.000 заболени се на активен третман
-
Муцунски: Добрососедските односи се суштински за европска интеграција, Коридорот 8 овозможува тој принцип да се оствари
-
Жена нападната и расечена со остар предмет од партнерот во Скопје
-
Кривична за угостител од Дебар, послужил алкохол на малолетник кој подоцна физички нападнал свој врсник
-
Повторно искршено детско игралиште во Кисела Вода: „Неколку пати се поправаше, сè е за ништо“
-
Кај 43-годишник од скопско пронајдени пушка, пиштол, муниција и шприцови со масло од канабис
