САД за прв пат нанесе воздушен удар со хеликоптер „Апачи“ во Ирак

САД  денеска за прв пат нанесе воздушен удар врз позиции на Исламската држава во Ирак со борбен хеликоптер „Апачи“, откако претходно претседателот Барак Обама го одобри неговото користење при воените операции.

Американскиот министер за одбрана Ештон Картер не сакаше да ги изнесе деталите од операцијата, наведувајќи само дека хеликоптерите се користени како поддршка на ирачките сили во планираната операција за преземање на Мосул од екстремистите.

Неименуван американски претставник објасни дека во мисијата полетале два хеликоптери, но дека само едниот извршил воздушен напад.