САД ја потврдија смртта на седумината морнари при сударот на разурнувачот „Фицџералд“ и товарен брод
Американската Воена морнарица ја потврди смртта на седумината нејзини морнари, кои беа прогласени за исчезнати по сударот на американскиот разурнувач „Фицџералд“ со товарен брод што пловел под филипинско знаме, во близина на јапонскиот брег, јави ДПА.
Нуркачи ги пронашле телата на морнарите во собите се спиење, кои биле поплавени во американскиот разурнувач, се наведува во соопштението на Седмата американска флота.
Загинатите се идентификувани.
Американскиот разурнувач со носивост од 8.315 тони, опремен со противракетен систем „Иџис“ се судри со товарниот брод „Кристал“, во саботата во Токискиот Залив. Разурнувачот претрпе сериозна штета во сударот.
- Оштетени се собите за спиење и кабината на капетанот, изјави вицеадмиралот Џозеф Окојн и додаде дека се повредени три лица, меѓу кои и капетанот.
Разурнувачот се врати во базата Јокосука со помош на реморкери.
Ново на Сител
-
Идризи за Сител: Не го направив намерно, случајот се политизира
-
Тема на денот со безбедносно-политичкиот аналитичар Милан Стефаноски
-
Со лажни фактури за поврат на ДДВ, државниот буџет олеснет за 90 милиони евра
-
30 дневен притвор за сопственикот на агенцијата за обезбедување „Рубикон“
-
Мицкоски: Ако извештајот повторно не се изгласа, проблем не се Бугарите во Уставот, туку македонскиот идентитет
-
Мицкоски: Новиот Клинички центар ќе биде поевтин од оној што го промовираше претходната Влада
-
Клиниката за хируршки болести доби донација од специјални колички - Најавена донација за Ургентен центар
-
АХВ уништи 56 тони небезбедна храна годинава