Руските ВМС уништиле цели на ИД во близина на Палмира во Сирија

Руските ВМС уништиле цели на ИД во близина на Палмира во Сирија со крстосувачки проектили испукани од источниот дел на Средоземното Море, соопшти Министерството за одбрана на Русија.

Во нападот се таргетирани скривалишта на милитантите од ИД источно од Палмира каде се чувало и оружје од Рака, упориште на ИД во северна Сирија.

– Руските ВМС испукаа четири крстосувачки проектили од источниот дел на Медитеранот врз цели на ИД во близина на Палмира. Сите цели се погодени и уништени, наведува МО во соопштение.

За нападот претходно биле информирани американските и турските сили. – Американските и турски како и израелски команди беа информирани благовремено за нападот со  крстосувачки ракети, додава Министерството.