Руските сили го нападнаа Криви Рих, погодени неколку места, избувнаа пожари

Руските вооружени сили го нападнаа градот Криви Рих преку ноќ, а како резултат на нападите со борбени дронови, избувнаа пожари на неколку места, објавија украинските медиуми, повикувајќи се на изјава на градоначалникот на градот, Олександр Вилкул, на Телеграм.

Вилкул објави дека биле нападнати неколку места вклучувајќи претпријатие и приватни куќи. 

-Итните и спасувачките операции продолжуваат, пожарите се гаснат, се вели во објавата.

Досега нема извештаи за жртви или штети.

Претходно, украинските медиуми објавија масовен руски напад со дронови врз Криви Рих преку ноќ, при што се слушнаа низа експлозии во градот.

МИА