Русија повторно ќе го тестира РуНет
Руската Влада се подготвува повторно да ја тестира сопствената верзија на Интернет, изолирана од други мрежи и нации, чие тестирање е предвидено да започне во ноември, јавуваат руските медиуми.
Русија сака да се заштити од кибер напади, поради што нејзините експерти создале систем за заштита на сопствените компјутерски системи, што им овозможува на Русите да работат преку Интернет и без пристап до Светската мрежа WWW (World Wide Web).
Според критичарите, пак, ова е само еден од начините на кои Русија сака да ги изолира своите граѓани од светот и неговите влијанија.
Русија и претходно најавуваше дека планира да тестира свој Интернет. Според порталот Д-Рушиа, тестирањето на изолираноста на мрежата ќе почне после 1 ноември и ќе се повторува најмалку еднаш годишно.
Се верува дека руската Влада зависноста на ИТ-секторот од Западот ја смета за своја слабост, која другите нации можат да ја искористат против Русија.
Изолацијата на руската Интернет инфраструктура, која честопати се нарекува РуНет, е проследена и со законодавство кое ги ограничува руските граѓани да пристапуваат до одредени веб-страници.
Ново на Сител
-
Куманово објави оглас за работно ангажирање на 30 пожарникари
-
ЦУК: Активни четири пожари на отворен простор, шест локализирани и два под контрола
-
29 надгробни плочи и споменици оштетени во рок од два дена на гробиштата во Ѓорче Петров
-
Кривична за наставничка од беровско која нападнала ученик
-
50-годишен маж пронајден со прострелни рани во Батинци, починал пред прием во болница
-
Лишен од слобода крадец во Куманово
-
Мицкоски: Нашата цел е да ја направиме Македонија земја на можности каде трудот се исплатува
-
Влада: Оддаваме почит на сите невини жртви од геноцидот во Сребреница