Русија: Околу 50 тони хероин се пренесуваат годишно преку Турција во ЕУ

Околу 50 тони хероин годишно се превезуваат преку Турција во земјите од Европската унија, изјави денеска директорот на руската Федерална служба за контрола на наркотиците, Виктор Иванов.

Тој прецизира дека по традиционални маршрути за доставка на наркотици во Европа се транспортираат околу 50 тони хероин (преку Турција во земјите од Балканот и потоа кон ЕУ).

- Освен оваа маршрута, за шверц на дрога има и друга, кој минува преку Ирак и Турција, додаде Иванов.

Авганистан има монопол на светскиот пазар за производство на хероин.  Иванов посочи дека дрогата се испраќа до оддалечени пазари како Русија, Кина, Европската унија. 

Тој нагласи дека групацијата Исламска држава заработува до 500 милиони долари годишно од шверц на хероин од Авганистан.