Русија: ИД годишно заработува околу две милијарди долари од нелегална трговија со нафта
Групата Исламска држава годишно заработува околу две милијарди долари од незаконска трговија со нафта, соопшти руското Министерство за одбрана, цитирано од ТАСС.
Приходите од продажбата на нафта се меѓу најважните извори за финансирање на терористите во Сирија. Тие годишно заработуваат околу две милијарди долари и овие средства ги користат за најмување борци во цел свет, за снабдување со оружје и за борбена техника. Ете зошто ИД така жестоко ја брани инфраструктурата за добивање нафта, што е под нејзина контрола во Сирија и Ирак, изјави рускиот заменик министер за одбрана, Анатолиј Антонов, цитиран од ТАСС.
Тој посочи дека турското раководство е вовлечено во незаконска трговија со нафта од Сирија, дополнуваат светските агенции.
Турскиот претседател Реџеп Таип Ердоган и неговото семејство се директно замешани во шверцот со нафта со организацијата ИД, додаде Антонов, цитиран од светските агенции.
Првиот корисник на оваа нафта, украдена од неговите законски сопственици Ирак и Сирија, е Турција, посочи заменик министерот, цитиран од француските медиуми.
-Според добиените информации, раководната политичка класа во Турција, во која е и претседателот Ердоган и неговото семејство, се замешани во овој незаконски канал, додаде Антонов на прес конференција во Министерството за одбрана на Русија, на која присуствуваа над 300 новинари.
„Цинизмот на турската Влада е неограничен“, рече тој.
Началникот на главната оперативна управа на рускиот Генералштаб, Сергеј Рудској, изјави дека секој ден цистерните на ИД превезуваат по 200.000 барели нафта, пренесе ТАСС.
Тој додаде дека терористите располагаат со најмалку 8.500 цистерни, со кои го превезуваат посоченото количество нафта.
-За двата месеца од руските воздушни напади во Сирија уништени се над 1.000 цистерни на ИД со нафта, дополни Рудској. Тој додаде дека во нападите се предизвикани штети врз околу 40 нафтени рафинерии.
Руските напади врз нафтените инсталации на ИД придонеле за двојно намалување на приходите на терористите од незаконската трговија со нафта - од три милиона на 1,5 милион долари дневно.
Ново на Сител
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден
-
Претседателски избори 2024
-
Годишнина од масакрот во училиште во Белград
-
Парламентарни избори 2024
-
Правoславните христијани го одбележуваат Велики петок
-
Денес е Велики петок - Охрид во очекување на Христовото воскресение