Русија и Катар се договрија да ги поддржат преговорите за Сирија
Русија и Катар се согласија да го поттикнат отпочнувањето преговори меѓу завојуваните страни во сириската криза, изјави денеска рускиот министер за надворешни работи Сергеј Лавров, по разговорите со шефот на катарската дипломатија Калид бин Мохамад Ал Атијах.
- Не сакам да откривам детали, но постигнавме извесен договор, рече Лавров.
Како што пренесува ТАСС, шефот на руската дипломатија укажа дека е клучно да се обезбеди најширок круг претставници на опозицијата да учествуваат во идните сириски преговори.
Катарскиот министер истакна дека сирискиот претседател Башар ал-Асад и неговиот режим се главните покровители на тероризмот и изрази противење за создавњето листа на терористи пред сириските преговори.
Атијах изјави дека тема на денешните разговори не било формирањето вооружени сили во рамки на исламската антитерористичка коалиција на чело со Ријад.
- Разговараме за борбата против терористичката идеологија. Саудиската коалиција не учествува во изведувањето на воздушни напади во Сирија заедно со коалицијата предводена од САД, рече Ал Атијах.
Тој наведе и дека во политичкото решавање на кризата во Сирија треба да се користат претходно постигнатите спогодби, а не се да почнува од нула и притоа оцени дека натамошното влошување на кризата во Сирија не е во интерес на никого.
Ново на Сител
-
Тинекс одбележа 30 години постоење
-
Управен пред одлука
-
ДИК се пожали на притисоци, членовите стравуваат за сигурноста
-
Мицотакис му одговори на Мицкоски: Патот кон ЕУ ќе биде затворен без почитување на Преспанскиот договор
-
Вархеи: Западен Балкан да биде подготвен за влез во ЕУ до 2027 година
-
Таравари: Владата ќе биде договорена до петок
-
Османи во Стразбур лобира за прием на Косово во Советот на Европа
-
Синдикатот на болницата во Лешок се противи на обидот министерството да ги спои со клиниката во Тетово