Русеф: Целта на импичментот е да се спречи истрагата за корупција

Дилма Русеф, која времено е отстранета од функцијата претседател на Бразил, изјави во вчерашното интервју за весникот „Фолја ди Сао Пауло“ дека истечените снимки на политичари, кои го поддржуваат нејзиниот импичмент покажуваат дека целта на процедурата е да се спречи истрагата на голем корупциски скандал, кој засега голем број водечки политичари и бизнисмени. 

Русеф истакна дека откритијата во снимките и даваат надеж дека таа ќе се врати на претседателската функција. Времен претседател на Бразил, додека Сенатот решава за нејзината судбина стана заменик-претседателот Мишел Темер.

Снимените разговори на тројца политичари од партијата на Темер, Бразилско демократско движење, изгледа го поврзуваат отстранувањето на Русеф со обидите да се ограничи истрагата. Учесниците во снимките го отфрлаат таквото толкување и засега нема докази дека тие и пречеле на истрагата за корупција во нафтениот гигант Петробраз.

Русеф нагласи дека од снимените разговори станува јасно дека иницијаторите на импичментот сакала да ја спречат истрагата, во која таа всушност не се мешала.