Романија: Градоначалниците со условни пресуди ги губат мандатите

Уставниот суд на Романија денеска одлучи дека е неуставен законот со кој претставниците на локалните власти ги губат мандатите само ако имаат ефективни пресуди.

Уставниот суд се изјасни против законот со кој им се дозволуваше на градоначалниците и претседателите на окружните совети да можат да останат на функциите ако се условно осудени.

Романскиот претседател Клаус Јоханис побара преразгледување на Законот, но откако Парламентот го одби барањето, тој се обрати до Уставниот суд.

На последните локални избори во јуни поголем број од кандидатите кои освоија мандати веќе се осудени или против нив се водат судски процеси.