Ролан Гарос: Барти и Вондроушова во женското финале
Австралиската фаворитка Ешли Барти и чешката тинејџерка Маркета Вондроушова се пласираа во финалето на „Ролан Гарос“, каде што двете тенисерки ќе се борат за својата прва гренд слем титула.
19-годишната Вондроушова имаше едноставен пат до финалето кога со 7:5/7:6(2) ја совлада Британката Џоана Конта, а Барти спречи дуел на две тинејџерки во финалето кога во драматичен меч со 6:7(4)/6:3/6:3 ја победи американската сензација Аманда Анисимова.
Барти почна фуриозно кога поведе со 5:0 во првиот сет, но Анисимова успеа да направи неверојатен пресврт да обезбеди тај-брејк и водство во првиот сет. Сепак, искуството на Австралијката го направи своето и таа беше постабилна во следните два сета за да се пласира во финалето.
Денеска, на програмата на „Ролан Гарос“ се и двете машки полуфиналиња, вечниот дуел Роџер Федерер-Рафаел Надал и мечот на светскиот број 1, Новак Ѓоковиќ, и минатогодишниот финалист Доминик Тим.
Ново на Сител
-
Таравари: ВРЕДИ во Владата ќе има 6 министерства и претседател на Собрание
-
Силјановска со културна дипломатија ги затоплува односите во Бугарија
-
Преспанскиот договор - Секојдневна тема во Атина
-
Детектор анкета: Секој трет размислува да се исели од Македонија
-
Уставен Суд ќе бира нов претседател, Кацарска без право на реизбор
-
Поројниот дожд направи штети, ЦУК апелира на внимателност
-
Недостигаат најмалку двајца инспектори за контрола во водниот сообраќај
-
Повторно доцни сеидбата на ориз во атарите на селата на Општина Чешиново-Облешево