Родригез: Куба се надева на подобрување на односите со САД во 2016 година

Куба се надева дека следната година ќе ги подобри односите со САД, изјави шефот на кубанската дипломатија Бруно Родригез.

- Се надеваме дека во 2016 година односите со САД ќе бележат напредок, ако се укине економската блокада и ако се вратат териториите, кои Вашингтон незаконски ги присвои во Гвантанамо, истакна Родригез.

Тој додаде дека независно од напредокот во дијалогот и соработката со САД, „трговската, економската и финансиската блокада на Вашингтон кон Хавана не е променета и потребно е да се мобилизираат меѓународни напори за нејзино укинување“.

Родригез блокадата ја оцени како апсурдна.