Рифаи: Светската туристичка организација ќе го поддржи развојот на туризмот во Македонија
Правците на развој на туризмот на глобално ниво и новите трендови за подобрувањето на туристичките услуги, беа тема на разговор на средбата во Мадрид меѓу министерот за економија Крешник Бектеши и генералниот секретар на Светската туристичка организација Талеб Рифаи.
Мнистерот Бектеши, кој престојува во Мадрид на покана на Рифаи, информираат од неговиот кабинет, ја искористи посетата на оваа организација на Обединетите нации одговорна за промовирање на одговорен, одржлив и инклузивен туризам, да ја претстави туристичката понуда на Македонија и можностите за соработка во поглед на зголемување на бројот на туристи.
Тој го информираше Рифаи за приоритетите на новата Влада и политиките и мерките за побрз економски развој, давајќи посебен акцент на туризмот, како една од најважните индустрии во светот.
- Рифаи истакна дека Република Македонија се позиционира на листата на земји – пријатели на Светската туристичка организација и вети целосна поддршка од оваа главна меѓународна организација која го промовира туризмот како катализатор за економски раст, инклузивен развој и одржливост на животната средина, обезбедува водство и поддршка на туристичкиот сектор во однос на унапредување на знаењата и туристичките политики ширум светот. Генералниот секретар ја истакна и неговата лична желба за побрз развој на туризмот во наредниот период, со оглед на потенцијалите со кои располага Македонија, соопшти Министерството за економија.
По посетата на седиштето на Светската туристичка организација, се вели во соопштението, министерот Бектеши одржа предавање на тема инвестиции пред студентите на мадрискиот Универзитет „Карлос Трети“, еден од најпрестижните во Шпанија, со цел да ги запознае одблиску за политиките, капацитетите и поволностите за инвестирање во Република Македонија.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“