Реконструиран парниот систем во штипската Клиничка болница

Извршена е реконструкција  на парниот систем во штипската Клиничка болница, информира директорот, Ален Ѓеорѓијев. Санацијата е со цел годинава да нема проблеми со затоплувањето на објектите на болницата.

-Знаете дека тој систем е многу стар, а знаете дека Клиничка болница е од пансионски тип имаме различни згради и оти некаде во некои одделенија имаме послаб пренос на топлинската енергија. Во најголем дел сметам дека имаме нафта, системот е сервисиран комплетно и мислам дека нема да имаме проблеми, во текот на грејната сезона, вели Ѓеорѓијев.

Тој појаснува дека проблеми со затоплувањето се појавуваат во зградите на Инфективното и Детското одделение, а каде што потенцираше на пациентите ќе им биде дозволено да користат греалки.

-На Педијатрија имаме набавено и панели, така да сите оние кои ќе ги користат услугите сметам дека ќе бидат во едни пријатни услови и нема да дозволиме да пациентите ја  почуствуваат зимата, вели Ѓеоѓријев.