Редок вид мајмун првпат забележан по 80 години

Мистериозен амазонски мајмун првпат е забележан во дивината во последните 80 години.

Мајмунот од видот „Ванзолини саки“ познат е по долгото црно крзно и „златни“ нозе. Првпат во дивината е забележан во 1936 година, а екипа истражувачи во 1956 година во бразилските прашуми пронајде само останки од тој вид. 

Д-р Лаура Марш, директорка на Светскиот институт за заштита на дивиот свет (Global Conservation institute), е прва личност која во последните 80 години го видела овој вид на мајмуни.

- Јас бев толку многу возбудена кога го видов што едвај направив фотографија, изјави д-р Марш, додавајќи дека се однесувал како некоја мачка.