Реакција на Алијанса на Албанците/Алтернатива за средбата меѓу Пендаровски и Мицкоски
Судството и обвинителството преминуваат во рацете на македонските политичари и на неколку сервилни Албанци фатени со хипотеки по фиоки.
Една земја што овие денови претендира да добие датум за отварање на преговори за ЕУ, на политички состаноци донесува одлуки за судски постапки.
Во вилата на претседателот, Стево Пендаровски и претседателот на македонската опозиција, Христијан Мицкоски, за најтешкиот терористички акт, нападот врз највисоката институција и народните избраници, одлучуваат и вршат притисок над судството и обвинителството.
За да го легитимираат овој скандал, му порачуваат на претседателот на албанската партија во Влада, Али Ахмети, да излезе и јавно да пресуди дека на 27 април не се случи терористички акт, додека тие помалите од партијата не смеат ни уста да отворат.
За оваа сервилност, како и за легитимирањето на другиот скандалозен договор за одложување на пописот, Ахмети и ДУИ имаат само една причина. Тој и неговата партија се фатени во криминал и корупција, без трунка поткрепа од народот и се наоѓаат само во милоста на нивните македонски господари. Али Ахмети и ДУИ станаа најголемата опасност за Албанците, но, и за целата земја. Тие се во состојба да продадат сè само да се спасат од правдата за сите криминали што ги имаат направено. Ова е и причината поради која тие никогаш не отворија уста, ниту пак за монтираните случаи кон Албанците, ниту за амнестирањето на убиецот на малиот Алмир. Албанците и граѓаните општо заслужуваат одговор на две прашања:
Кој беше функционерот на ДУИ што го информира Никола Груевски за седницата на 27 април и кој потоа го извести Али Ахмети да не доаѓа во Собрание додека останатите си ги доведуваа во животна опасност своите животи?
Албанците ќе стават крај на оваа сервилност и заложништво на некои Албанци во Владата, додека ние ќе ја продолжиме битката исто како и на 27 април, за да ставиме крај на овој режим веќе исполнет и со други сервилни поданици.
КОАЛИЦИЈА АЛИЈАНСА ЗА АЛБАНЦИТЕ & АЛТЕРНАТИВА
Ново на Сител
-
Субвенции за занаетчиите – 40% од трошоците, до 200 илјади денари
-
Преглед на вестите од светот
-
Претседателот на ЗЕЛС бара оставка од Арсовска
-
Ќе се зајакнува сајбер безбедноста на државните институции
-
Мисајловски тврди дека началникот на Генералштабот е назначен законски
-
Маријана Илиевска избрана за функцијата член на Советот на јавни обвинители
-
Оризопроизводителите незадоволни од откупната цена, во амбарите им стои 5000 тони лански ориз
-
Преглед на вестите од светот