Расте притисокот од конзервативците Џонсон да поднесе оставка
Пратеникот од Конзервативната партија, Ендрју Бриџен за Би-би-си истакна дека британскиот премиер Борис Џонсон „треба да го направи тоа, што требаше да го стори пред извесно време, да поднесе оставка“.
– Ако не го стори тоа, партијата ќе треба да го принуди да се повлече, нагласи Бриџен.
Според него, идеално сценарио е другите членови на кабинетот да поднесат оставка и „да ја разјаснат својата позиција“. Но, ако не дојде до тоа, како што додаде Бриџен, Комитетот 1922 година ќе треба да избере извршен орган, што ќе биде подготвен да ги промени правилата, со што ќе се активира ново гласање за доверба на премиерот.
– Уверено прогнозирам дека Борис Џонсон, на еден или друг начин, ќе биде остранет пред летниот одмор на Парламентот, подвлече пратеникот.
Тој го опиша набљудувањето на помладите министри, кои беа принудени да ја бранат репликата на премиерот во однос на Крис Пинчер, дека не бил на чисто со своето минато, како „капката, што ја прели чашата“.
Бриџен изјави и дека министрите од кабинетот дури сега го сфатиле убедувањето на многумина од пратениците, дека Џонсон е „егзистенцијална закана за Конзервативната партија“.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје