Растат цените на нафтата на светските берзи

Цените на нафтата утрово забележаа благ раст на светските берзи, и покрај вестите за продолжување на примирјето меѓу Израел и Либан.

Северноморската нафта „Brent“ поскапе за 0,7 проценти и достигна речиси 105,8 долари за барел, додека цената на американската сирова нафта порасна за 0,6 отсто на 96,5 долари за барел.

Забележителна е загриженост на берзите дека продолжените борби меѓу Израел и Либан би можеле да го нарушат кревкото примирје меѓу САД и Иран. Техеран соопшти дека тие судири претставуваат прекршување на условниот прекин на огнот.

Цените на нафтата се во нагорна линија откако американскиот претседател Доналд Трамп дека САД ќе ги одложат нападите се додека Иран не понуди „единствен предлог“ за решавање на конфликтот.

Дополнителен притисок врз пазарите создава и фактот што и натаму се во прекин испораките преку клучната Ормуска Теснина, што ги нарушува глобалните енергетски текови.

МИА