-->
-->
Распишан конкурсот за фестивалот „ИН Виница веритас“
-->
Домот на културата „Тошо Арсов“ и Советот на фестивалот „Ин Виница веритас“ од Виница денеска го објавија меѓународниот конкурс за карикатура за годинешното издание на фестивалот.
Тема на конкурсот е „На пуст остров“ и може да конкурираат автори карикатуристи од целиот свет.
- Темата на годинешниот меѓународен фестивал „Ин Виница веритас“ е универзална и веруваме дека ќе се јават голем број учесници кои до фестивалот можат да учествуваат најмногу со по три карикатури. Крајниот рок за доставување на творбите е 22 септември оваа година, по што жири комисијата ќе ги одбере најдобрите, истакна Славко Данев, директор на Домот на културата од Виница.
Данев истакна дека наградите на најдобрите се во вредност од 300 евра за првата награда, 200 евра за втората и 100 евра за трето наградената творба.
Годинешниот меѓународен фестивал на хумор и сатира „Ин Виница веритас“ ќе се одржи од 3 до 7 октомври оваа година во Виница. Финансиски фетсивалот го помогнаа Министерството за култура и општина Виница.
-->
-->
-->
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден