Рамуш Харадинај се откажа од пратеничкиот мандат
Лидерот на опозициска Алијанса за иднината на Косово (ААК), Рамуш Харадинај денеска изјави дека се откажува од пратеничкиот мандат и оти нема повеќе да се врати во косовскиот Парламент.
Тој наведе дека Парламентот сега се претворил во место каде се крши Уставот, каде полицијата малтретира пратеници и насилно ги отстранува и затоа одлучил да се откаже од мандатот.
- По денешниот ден сметан дека косовското Собрание не е демократска институција и не се гледам себе си како дел од него, посочи Харадинај, додавајќи оти ќе ја продолжи политичката активност вон Парламентот.
Како што јави допсиникот на МИА, тој наведе уште дека како пратеник се обидувал да ја подигне на повисоко ниво неговата сериозна загриженост за прашања од интерес на земјата, вклучувајќи ги и како што нагласи, „грешките кои се прават со потпишувањето на двата спорни договора“, оној за демаркација на границата со Црна Гора и за формирање Заедницата на српските општини.
- Наместо да го прифатат тоа, бев игнориран од узурпаторите на власта и на Парламенот. Токму поради таа игнорација и екстремната неодговорност на власта на оваа земја, единствен пат на моето делување како пратеник, остана логиката на отпор со солзавец, наведува Харадинај.
По оставката на Харадинај, дел од медиумите наведуваат дека на ваков чекор веќе се подготвуваат и други пратеници.
Седницата на косовскиот Парламент утрово беше прекината поради солзавец активиран од опозицијата, а попладнето обезбедувањето не пушти 18 опозициски пратеници да се вратат на седница. Полицијата приведе тројца опозициски пратеници, кои се судирија со обезбедувањето.
Во меѓувреме пред зградата на косовскиот Парламент имаше протести на приврзаниците на опозицијата, а полициски кордон ја обезбедува зградата.
Ново на Сител
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето