-->
-->
Ракометарките победија на гостувањето кај Фарски острови
-->
Женска ракометна репрезентација на Македонија ја оствари првата победа во квалификациите за ЕП 2018, откако во третото коло од групата 3 славеше во Торшавн над Фарски Острови со 22-15 (7-7).
Избраничките на селекторот Симе Симовски имаа проблеми во реализацијата на почетокот на дуелот, а домашната селекција тоа го искористи и во поведе во еден момент со највисоки три голови разлика (7-4). Сепак, цврстата игра во одбраната на Македонија не дозволи селекцијата на Фарски Острови посериозно да се одлепи, па до крајот на првото полувреме нашите ракометарки стигнаа до нерешени 7-7.
Рано во второто полувреме Македонија го презеде водството кое постојано до крајот на натпреварот го зголемуваше за конечен и заслужен триумф од 22-15.
Сара Ристовска со 8 голови беше најдобар стрелец во нашиот состав, Мирјета Бајрамоска и Теодора Керамичиева додадоа по 4 гола, Ивана Гакидова постигна 3, а во листата на стрелци се запишаа и Јована Саздовска со 2 гола и Елена Георгиевска која реализираше 1 погодок. Добар настап на голот на нашата репрезентација, пред се во второто полувреме, имаше Матеја Серафимова.
На вториот дуел од нашата група Србија дома ја победи Шведска со 30-23.
Србија е прва со 6 бодови, пред Шведска со 4, Македонија има 2, Ф.острови се без бод.
Вториот натпревар со Фарски Острови се игра во недела во СРЦ „Кале“ во Скопје. Почетокот на натпреварот е закажан за 19:00 часот, а влезот во салата ќе биде отворен за посетители.
-->
-->
-->
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o