Ракометарките на Металург се пласираа во финалето на Куп на Македонија

 

Во првиот полуфинален натпревар од завршниот турнир на Купот на Македонија во женска конкуренција чии средби се играат во салата „Автокоманда“ во Скопје, екипата на Металург со 23:19 полувреме 13:7 го совладаа градскиот ривал Вардар Јуниор.

 

Тие во недела од 17 часот ќе играат со победникот од вториот полуфинален меч во кој актуелниот шампион и апсолутен фаворит за трофејот ЖРК Вардар за противник ќе ја има екипата на Куманово.

 

Во Охрид попладнево се играат полуфиналните натпревари во машка конкуренција, во кои за место во финалето кое ќе се игра утре ќе се борат, Металург – Вардар Јуниор и Охрид – Вардар.