Ракометарите заминаа за Краков

Македонската ракометна репрезентација замина за Полска каде ќе учествува на Европското првенство. Нашата селекција со чартер одлета директно за Краков каде ќе ги игра групните натпревари со Франција, домаќинот Полска и Србија.

Во нашиот табор се чувствува добра атмосфера и желба да се влезе во вториот круг.

„ Имавме добри подготовки, со добри резултати на контролните средби. Добро ги познаваме противниците. Франција е голем фаворит, Полска не смее да не потцени иако е домаќин а мајсторката најверојатно е со Србија. Очекувам да одиграме добро и да ја оствариме својата цел“- изјави за ТВ Сител еден од џокерите на селекторот Ивица Обрван Гоце Ојлески.

На пат заминаа 17 ракометари.

Список на ракометари за Краков:

Борко Ристовски, Даниел Дупјачанец, Гоце Георгиевски, Влатко Митков, Кирил Лазаров, Наумче Мојсовски, Филип Миркуловски, Немања Прибак, Филип Кузмановски, Филип Лазаров, Дејан Манасков, Гоце Ојлески, Стојанче Стоилов, Жарко Пешевски, Никола Маркоски, Велко Маркоски, Ацо Јоновски