Работилница за подобрување на услугите за лицата со попреченост

„Подобрување на услугите за лицата со попреченост“ е темата на работилницата што ќе се одржи денеска во Охрид, во организација на Програмата за развој на Обединетите нации (УНДП) и Швајцарската агенција за развој и соработка (СДС) во Македонија.

Целта на настанот е размена на искуства и практики на домашни и меѓународни експерти, како и утврдување нови можности и сервиси што ќе им помогнат на лицата со попреченост да живеат понезависен и поквалитетен живот во заедницата, во согласност со Конвенција на Обединетите нации за правата на лицата со попреченост.

На работилницата е најавено обраќање на постојаниот координатор на ОН и на УНДП, Луиза Винтон и на заменикот раководител на мисијата во Амбасадата на Швајцарија, Стефан Томагиан.