Путин: Руската воена поддршка за Сирија спречи нови масовни крвопролевања

Рускиот претседател Владимир Путин оцени дека руската воена поддршка за Сирија овозможила да бидат избегнати нови масовни човечки жртви.

- Ситуацијата во Сирија уште еднаш потврди дека меѓународната заедница постигнува резултати кога дејствува  заедно, врз основа на меѓународното право и со поддршка на Обединетите нации, изјави Путин на церемонијата за доделување на акредитивни писма на нови амбасадори од 16 држави.

Путин наведе дека заедно со САД и други земји успеале да го поттикнат политичкиот процес во Сирија со учество на официјалните власти во Дамаск и опозициските сили, како и да создадат услови за доставување на хуманитарна помош.

Рускиот претседател наведе дека Москва сака работите на новите амбасадори да придонесе за зацврстување на односите меѓу Русија и нивните држави.