Путин: Не полудевме, свесни сме што е нуклеарно оружје
Рускиот претседател Владимир Путин смета дека ризикот од нуклеарна војна се зголемува, но додава дека Русија „не полудела“ и дека нема да биде прва што ќе употреби нуклеарно оружје.
Русија ќе прибегне кон оружје за масовно уништување само ако биде принудена да одговори на напад, рече Путин.
Војната во Украина може да биде „долгорочен процес“, рече Путин на годишниот состанок на Рускиот совет за човекови права.
Западните власти веруваат дека Путин првично очекувал брза победа во Украина.
Можноста Москва да користи нуклеарно оружје се повеќе се доведува во прашање од почетокот на руската инвазија во февруари.
„Заканата (од нуклеарна војна) расте, би било погрешно да се сокрие“, предупреди Путин во говорот со видео-врска од Москва.
Сепак, тој истакна дека Русија „под никакви околности“ нема да го употреби прва ова оружје и дека никому нема да се заканува со својот нуклеарен арсенал.
„Не полудевме, свесни сме што е нуклеарно оружје. Ние нема да мавтаме со ова оружје низ светот како да е жилет“, тврди рускиот претседател.
Тој додаде дека Русија го има најмодерното и најнапредното нуклеарно оружје на планетата и ја истакна разликата меѓу стратегијата на неговата земја и онаа што ја спроведува Америка.
Ново на Сител
-
Тренчевска: Не сакаме да направиме решенија што ќе ги уназадат работничките права
-
Јавно обвинителство во Бугарија поведе предистрага поради закани по животот кон Пендиков
-
ЕУ ги продолжи економските санкции кон Русија
-
Средба на министерката Петровска со српскиот министер за одбрана Вучевиќ
-
Путин ги обвини „неонацистите во Украина“ за злосторства против цивили
-
Расчистена разбојничка кражба во Скопје, сторителот го признал делото
-
Царинска управа: Запленети половина тон тутун за наргиле и над 2 илјади парчиња електронски цигари
-
Кривична пријава за злоупотреба на службената положба „Национални шуми“ оштетени со 769.300 денари