Прв случај на Ковид-19 во Македонска Каменица

Странски државјанин вработен во рудник „Саса“ е првиот позитивен пациент на Ковид-19 во Општина Македонска Каменица. Лицето е редовно вработено во рудникот и тестот го направил заради патување во странство, при што истиот бил со позитивен наод.

-Лицето е во добра здравствена кондиција и е без симптоми, а веднаш по добивањето на информацијата за позитивниот резултат е во самоизолација, информираа надлежните институции.

Од Центарот за јавно здравје, направена е епидемиолошка анкета на одделот во кој што работел, како и во објектот каде бил сместен странскиот државјанин.

Од рудник „Саса“ од почетокот на пандемијата формирано е координативно тело за успешно справување со пандемијата. Исто така спроведени се анкети и разговори со вработените во компанијата како и дополнителни активности согласно препораките и мерките за заштита на вработените.

Од општината од синоќа започнаа со спроведување на дополнителни мерки за заштита на населението, а најавен и состанок на Опшинскиот кризен штаб со цел дефинирање на понатамошните активности за спречување на понатамошно ширење на заразата.