Прв ден на тргување на Македонската берза на електрична енергија

Македонската берза на електрична енергија денес официјално стартува со работа. Со домашната берза раководи националниот оператор на пазарот за електрична енергија „МЕМО“.

Проектот е работен над пет години а официјално заживеа по измените на Законот за енергетика во 2018 година со што формално беше либерализиран и пазарот на електрична енергија а законодавството во оваа сфера беше прилагодено на европското. 

Досега 22 компании се пријавиле за трговија на берзата. Македонската берза прво ќе биде во границите на земјава се додека не настапи првото спојување со некоја од соседните берзи. На неа ќе можат да тргуваат сите учесници на пазарот на големо на електрична енергија кои се регистрирани во регистерот на регистрирани учесници на пзарот кој го води државниот оператор „МЕМО“.