Протести во Чешка против „зближувањето со Кина“
Неколку стотици Чеси денеска протестираа во Прага, поради зближувањето на земјата со Кина, јави дописникот на МИА од чешкиот главен град.
Протестите, кои ги организираа приврзаници на независноста на Тибет и претставници на виетнамската заедница во земјата, почнаа уште вчера, на првиот ден од официјалната посета на кинескиот претседател Си Џинпинг.
Демонстрантите носеа антикомунистички пароли и фотографии на поранешниот претседател Вацлав Хавел и тибетскиот духовен водач Далај Лама.
Слично како и вчера, протести одржаа и симпатизери на кинеските политичари со огромни кинески знамиња.
Кинескиот претседател и неговиот домаќин Милош Земан денеска потпишаа Договор за стратешка соработка меѓу Чешка и Кина, додека членови на чешката Влада со кинеските колеги потпишаа Меморандум за соработка во областа на индустријата, сообраќајот, здравството и образованието, како и повеќе предлози за билатерална соработка.
Според Земан, кинеските инвестиции во земјата само годинава изнесуваат речиси четири милијарди евра.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден