Протести на синдикатите во Сараево

Пред зградата на Парламентот на Федерацијата на Босна и Херцеговина во Сараево протестираат околу 15.000 луѓе, изјави за време на вонредната седница на Домот на народите на Парламентот ФБиХ во Сараево претседателот на синдикатот на рударите Синан Хусиќ.

Тој посочи дека незадоволството на демонстрантите е засилено поради што пратениците одлучиле на денешниот дневен ред да остане новиот предлог-закон за работа.

- Сојузот на самостојни синдикати на БиХ се потешко ја контролира ситуацијата, посочи Хусиќ.

Синдикатот тврди дека предлог-законот ги крши работничките права.