Протестен марш на земјоделците од Струмичко

Земјоделци од струмичкиот регион денеска на десетина трактори одржаа протестен марш од Василево до Струмица во знак на поддршка на, како што рекоа, унитарноста на Македонија и зачувување на нејзините темели.

Велат дека се одѕвале на поканата на земјоделските здруженија да застанат на браникот на татковината.

Според земјоделците - учесници на протестот, некој ја држи државата во заложништво и не дозволува да функционираат институциите. Нашите предци, како што нгасија, ја сакале оваа држава и се бореле за нејзината самостојност, а сега некој сака да ја продаде.

За попладнево во Струмица е најавен уште еден протест, на граѓанската иницијатива „За заедничка Македонија“.