Протест на каталонските сепаратисти во Барселона
Неколку илјади поддржувачи на идејата за независност на Каталонија од Шпанија, денеска организираа протестен марш низ центарот на Барселона со барање за ослободување на каталонските сепаратистички лидери, кои се наоѓаат во притвор.
Организатири на протестот беа неколку невладини организации предводени од групите Катлонско народно собрание (АНЦ) и Омниум, чии лидери се меѓу деветмината сепаратиситчки лидери, кои во притвор го очекуваат почетокот на судските процеси против нив под обвинение за бунт, потикнување бунт и злоупотреба на јавни средства, во врска со организирањето на ланскиот референдум за независност на Каталонија.
Кон протестите се приклучија и двата најголеми синдикати во Каталонија, иако голем број нивни членови не ја поддржуваат идејата за отцепување на овој автономен регион од Шпанија.
Движењето за независност на Каталонија, кое зајакна последниве неколку години, лани ја предизвика најголемата уставна криза во Шпанија од обновата на демократијата кон средината на 70-те години на минатиот век.
Каталонската регионална влада составена од сепаратистички партии лани во октомври организраше референдум за независонот на регионот од Шпанија, по што прогласи отцепување и независна „Република Каталонија“. На ова, властите во Мадрид реагираа со суспензија на автономијата на Каталонија, распуштање на регионалните органи на власта и приведување на дел од каталонските сепаратистички лидери.
На вонредните регионални избори одржани во декември, сепаратистичките партии повторно освоија мнозинство во Парламентот на Каталонија.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден