„Протече“ планот за намалување на рестриктивните мерки во Германија
Во германските медиуми објавен е планот на канцеларката Ангела Меркел за отворање на економијата, јави Дојче Веле.
Меркел на онлајн конференција со членовите на парламентарната група ЦДУ/СЦИ изјави дека отворањето мора да биде „внимателно и постапно“ ако земјата сака да избегне ново затворање.
Според неименувани извори Меркел стравува од пораст на новозаболени од Ковид-19 во случај на пребрзо отворање.
Таа истакна и дека намалувањето на рестриктивните мерки би требало да се одвиваат во три фази.
Првата фаза би била намалување на рестрикциите што се однесуваат на личните контакти помеѓу домаќинствата, а потоа би се отвориле училиштата и спортските објекти. Третата фаза би било отворање на рестораните и културните институции.
Според германските медиуми, еден од главните приоритети би било вакцинирањето на наставниците и воспитувачите во градинките. Градинките и училиштата од понеделникот отворени се во 10 германски покраини.
Германија е во „локдаун“ до 7 март.
Ново на Сител
-
Можно е Фицо да биде префрлен на лекување во Братислава
-
Истрели во близина на Амбасадата на Израел во Стокхолм
-
Герапетритис: Грчката Влада реагираше брзо и го интернационализираше прашањето по инаугурацијата на Сиљановска
-
Француската полиција уби вооружен маж кој се обидел да запали синагога
-
Бејби Лазања ја одби владината парична награда од 50.000 евра
-
Построги казни за пиење алкохол на јавно место на Мајорка и Ибица
-
Новости на „Гугл“ за „Андроид“
-
Роналдо повторно е најплатениот спортист во светот