Прослава на „Сквер Јадран“ ќе има, но со хуманитарен карактер
Манифестацијата „Град во Градот 4“ која ќе се одржи на 31 декември на „Сквер Јадран“ во општина Центар нема да има само забавен, туку ќе има и хуманитарен карактер, изјави денеска на прес-конференција градоначалникот на општината Андреј Жерновски.
Додаде дека новогодишниот настан ќе се претвори во донаторски проект, каде што сите граѓани и фирми ќе можат да донираат за оние категории на граѓани кои се најранливи.
- Први кои веќе потврдија дека ќе донираат се самите артисти, кои ќе издвојат 600.000 денари од својот хонорар за настапот. Парите ќе бидат наменети за таму каде што ќе се договориме дека е најнеопходно и во претстојниот период ќе го објавиме, рече Жерновски.
Изрази очекување дека овој пример ќе го следат и граѓаните. - На самиот настан ќе може секој да донира пари, а активностите и можностите за донирање ќе бидат објавени следните денови.
Појасни дека правниот тим на општина Центар ги разгледал веќе склучените договори со артистите кои треба да настапат за новогодишната ноќ, по што донел заклучок дека раскинувањето на тие договори со нив ќе предизвика сериозни финансиски последици.
- Заради откажувањето на настапите ќе треба да ги исплатиме парите во целост, без разлика што изведувачите нема да го одржат новогодишниот настан, рече Жерновски.
Ново на Сител
-
Превртена приколка од камион го блокира патот Истибања – Македонска Каменица, сообраќајот во прекин
-
Во среда авионска дезинсекција против комарци во Скопје
-
Град Скопје: Власта го политизира наместо да го осуди случајот со физичкиот напад врз градоначалничката Арсовска
-
Формиран Кризен штаб за заштита од пожари во Македонска Каменица
-
Украинските ученици наскоро ќе учат да летаат со ФПВ дронови како дел од ажурираната наставна програма „Одбрана на Украина“
-
Исчезна руски воен хеликоптер со пет лица
-
Кривична за кавадарчанец за шест дела „тешка кражба“ и две за „тешка кражба во обид“
-
Сузбиена организирана криминална група инволвирана во криумчарење на мигранти, приведени шест лица