Пронајдено удавено лице во Црна Река кај кавадаречкото село Шивец

Денеска околу 11,30 по телефон во ОВР Кавадарци било пријавено дека во Црна Река кај село Шивец, Кавадарци,  било пронајдено удавено лице кое било во близина на брегот. МВР попладнево ја потврди оваа информација за МИА.

– Излезено е на лице место и узвршен е увид од страна на увидна екипа од ОВР Кавадарци, јавен  обвинител и доктор од ЈЗУ Општа  болница.  Притоа е утврдено дека се работи за лицето Г.М. од село Шивец,  родено 1946 година. Од увидот на телото од давеникот,  не се пронајдени траги на насилство, рекоа од МВР за МИА.