Промоција на стихозбирката „Кожена душа“ на Емануела Ковачевска Китановска

„Кожена душа“ претставува наслов на чувствената инкарнација исходена од овој тек, а воедно своевидна дефиниција на нејзинот порив, родена во едно двегодишно безвремие.

Емануела Ковачевска Китановска успева едновремено рефлексивно да посегне по суштините изртувајќи ги низ својот исклучителен микросвет кон јавноста, принесувајќи ги инканирани во уметнички дела и поставки од областа на литературата, глумата и музиката.

Во периодот на постанување на поетското новороденче во зрел плод подготвен да ги пружи своите мириси на светот и да ги разбурди новите ветрови со својот збор, оваа збирка доживува исклучителен успех и на професионален план. Овенчана е со наградата „Антев часовник“ во 2019 година, а во неа се содржани и песни украсени со наградата „Најуспешна млада поетска искра“. 

Пречекувајќи ја збирката на прагот на своето конечно објавување на големиот свет како ковчеже од сандалово дрво отстојано во исконски мириси, на 18ти декември (сабота)  во Котур ќе се одржи нејзината прва промоција со почеток од 15.00 часот.